Poslovne vesti - Makedonija

Webasto пикира пет македонски компании

Автомобилски кластер на Македонија за промоција на своите членови продолжи со спроведување на своите активности кои се насочени кон раст и развој на македонската автомобилска индустрија.

Имено, во Македонија престојуваат претставници на реномираниот гигант во автомобилската индустрија Webasto.

Посетата се должи на одлично воспоставената соработка помеѓу Автомобилскиот кластер на Македонија и компанијата Webasto. Првичните контакти со Њебасто беа направени во февруари годинава при посетата на директорот на кластерот, Владимир Тевдов на оваа компанија.

- За време на посетата беше презентирана состојбата на македонската автомобилска индустрија (бројот на компании, поделба на компаниите по големина, извоз на компаниите по држави и слично), при што од страна на надлежните на Webasto беше искажана заинтересиранот за соработка со пет македонски компании. Во моментов тече посетата на преставниците на Њебасто на петте македонски компании - произведувачи на сигурносни појаси, алати, пластични и алуминиумски делови. Постои голема заинтересиранот за соработка, и јас лично се надевам дека во блиска иднина овие компании ќе бидат дел од ланецот на добавувачи на Webasto - изјави Тевдов.

Автомобилски кластер на Македонија веќе оствари слични средби со компаните Фиат - Србија, Фолксваген, Мерцедес, Бош, Континентал, а врз основа на ваквото делување на кластерот во последните месеци во Македонија веќе присуствуваа претставници на БМВ и Магна.